Steg for steg : Step by step

Eit verkeleg urbant område med meir enn 2000 år gamle restar frå ein rik sivilisasjon som det trengst mange dagar for å sjå litt av. Her vert det mange steg, både ute og inne. Senatus PopulusQue Roma, Roma sitt kommunevåpen - Senatet og folket sitt Roma, ser ein over alt. I dei eldste gatene er det best å stiga frå stein til stein. I andre gater må alle sansar mobiliserast for å komma unna ein agressiv bil- og scootertrafikk.

I dei mange hundre kyrkjene kan ein sleppa unna den hektiske bylarmen utanfor. Her er det verdt å sjå nærare på mosaikken på golvet. Ikkje lite arbeid og marmor er lagt ned her. Ein stad var det mykje som minna om mønsteret på selbuvotten.

Fottøyet må vera sandalar. Difor må det også vera bidét på hotellrommet. Velbrukte sandalar kan leggjast att på slutten av turen som her.


Vel heimkomen kan ein lesa om alt ein ikkje fekk sett og planleggja neste tur. Etter å vore inne i 16 kyrkjer, går det opp for meg at eg har gått glipp av minst 6-7 andre. Ei vekes tid strekk ikkje til, men no er grunnlaget lagt.

Summary:
After a week in Rome the sandals are worn-out. There are still many churches to visit.